PD-ja i përgjigjet Lleshajt: Si kriminel gjakftohtë mori përsipër dhunën ndaj shqiptarëve, meriton përbuzje

Sekretari i Përgjithshëm i PD, Gazment Bardhi, është përgjigjur deklaratave të ministrit të Brendshëm, i cili kritikoi opozitën për sulmet mbi punën e Policisë së Shtetit për shembjen e Teatrit Kombëtar. Sipas Bardhit, ministri Sandër Lleshaj mori përsipër dhunën ndaj shqiptarëve dhe ky akt shtoi ai meriton të përbuzet.

“Me kaq urrejtje sa ka ndaj opozitës dhe qytetarëve që nuk i binden paligjshmërisë dhe vjedhjes, Sandër Lleshaj, meriton vetëm përbuzje dhe përçmim. Ky kriminel gjakftohtë që merr autorësinë e rrahjes barbare të artistëve, të studentëve dhe të opozitës është metastazë e regjimit kriminal dhe të korruptuar të Edi Ramës”,  shkruan Bardhi.

Ai thekson se, Policia e Shtetit gjatë aksionit për shembjen e Teatrit nuk kishte simbolet identifikues, dhe kjo sipas tij, nxjerrë zbuluar pretendimet e ministrit Lleshaj.

Është fakt se tek Teatri Kombëtar policia u soll si hordhi pushtuese. Është fakt se policët ishin të armatosur, duke patur si skenar terrorin me armë të njerëzve në mbrojtje të Teatrit. Është fakt se njerëz të veshur me uniformën e policisë nuk kishin simbolet identifikuese të policisë. Këta nuk janë Policia e Shtetit, por janë të njëjtët njerëz, ushtarë të bandave kriminale, që kanabizuan Shqipërinë. Por fatmirësisht ato janë pakica, njëlloj siç sot është Edi Rama dhe Qeveria e tij. Aktet e terrorit mbi artistët, qytetarët dhe opozitarët nuk kanë asnjë lidhje me Policinë e Shtetit dhe të qytetarëve, me punonjësit e ndershëm të Policisë së Shtetit, që në shumicë, bashkë me shumicën e shqiptarëve, janë kundër regjimit kriminal të Edi Ramës. Edi Rama, Sandër Lleshaj dhe pakica kriminale në Policinë e Shtetit janë turpi i Shqipërisë!”, shton ai.

Lexoni gjithashtu: 

Dhuna e policisë mbi artistët, reagon për herë të parë Sandër Lleshaj, kritika opozitës