Tregtarët shmangin ushqimet me listë, rritja e çmimeve rrezikon bizneset

Rritja e çmimeve ka ndikuar jetën e gjithkujt, e sidomos të familjeve që kanë të ardhura nën minimumin jetik. Shumë prej tyre kanë marrë edhe më parë ushqime me listë, ndërsa tani me rritjen e çmimeve tregtarët e kanë të pamundur të bëjnë lëshime.

“Mirëmëngjes” i Euronews Albania ka shkuar në zonën e kombinatit, ku dy muaj më parë ishte për të trajtuar të njëjtën çështje. Dy muaj më parë, tregtari në këtë zonë tha se borxhet e pashlyera të atyre që marrin ushqime me listë trashëgohen nga viti në vit.

Ndërsa tani me rritjen e çmimeve ai tha se përpiqet t’i shmangë borxhet.

“Çfarë t’i bëj vetëm ndonjë grupi pensionistësh që jam i detyruar t’i ndihmoj,” – u shpreh tregtari.

Edhe në një tjetër zonë të kryeqytetit, afër Alliasit, situata është e njëjtë. Qytetarët që marrin me listë kanë reduktuar kërkesat e tyre, por pavarësisht kësaj tregtarët përpiqen t’i shmangin duke qenë se ju rrezikohet biznesi.

LEXONI GJITHASHTU:

• Protestë në Tiranë për rritjen e çmimeve
• Rriten me 33% çmimet e produkteve të shportës bazë