Klodian Zoto u pagua një ditë pasi u shpall në kërkim, 520 mijë € nga buxheti

Buxheti i shtetit vijon të kryejë pagesa të rregullta për depozitimin e mbetjeve drejt pronarëve të inceneratorëve.

Më datën 14 dhjetor ish-ministri i Mjedisit Lefter Koka u arrestua për aferën e inceneratorit të Elbasanit ndërsa pronarët e kompanisë koncesionare, Klodian Zoto dhe Stela Gugallja u shpallën në kërkim.

Por vetëm një ditë pasi ishte shpallur në kërkim, Klodian Zoto është paguar.

Të dhënat zyrtare të Drejtorisë së Thesarit tregojnë se ai ka marrë 520 mijë euro si pronar i kompanisë “Integrated Technology Ëaste Treatment Fier” për kontratën e inceneratorit të Fierit.

Pagesat kanë vazhduar edhe për inceneratorin e Tiranës, ku që nga mesi i muajit dhjetor dhe deri sot buxheti ka dhënë 1.5 milion euro .

Faturat e fundit janë të datës 5 prill e paguar nga Bashkia Durrës, dhe 28 mars e paguar nga Prokuroria e Kavajës për shërbime të pastrimit dhe gjelbërimit.

Çështja e 3 incerneratorvë në Shqipëri është nën hetim nga Prokuroria e Posaçme. Deri tani nën akuzë janë pronarët e inceneratorëve Elbasan dhe Fier, dhe një sërë zyrtarësh, përfshirë ish-ministrin Koka dhe ish-deputetin Alqi Bllako.

Për kontratën e Tiranës, hetimet vazhdojnë. kompania Integrated Energy BV SV rezulton e regjistruar në Holandë, vend i cili ruan anonomitani  e pronarëve.

LEXONI GJITHASHTU:

• GJKKO lë në fuqi kërkesën e SPAK për të akuzuarit për inceneratorin e Fierit
• $9 milionë nga Zoto i inceneratorëve për një çift në Rubik, denoncon Kryemadhi
• VIDEO | Me pranga në duar, momentet kur Alqi Bllako del nga gjykata