Mblidhet Grupi Parlamentar i PD-së, Berisha i pranishëm

Grupi Parlamentar i Partisë Demokratike është mbledhur në selinë blu, për të zhvilluar mbledhjen e paralajmëruar pak ditë më parë.

I pranishëm në këtë mbledhje, është edhe ish-kryeministri Sali Berisha. Kjo është hera e dytë që Berisha merr pjesë në që prej pezullimit dhe përjashtimit.

Në mbledhje marrin pjesë 39 deputetë. Ndër to, janë edhe ata të cilët u përjashtuan nga ish-kryetari Lulzim Basha, si Luan Baci, Edmond Spaho apo Flamur Noka.

Demokratët gjenden sërish të përçarë, teksa Komisioni i Rithemelimit ka vijuar prej disa ditësh me procesin e zgjedhjes së kryetarëve të degëve.

Ky proces, është kundërshtuar nga mbështetësit e Bashës, pasi sipas tyre janë zgjedhje të njëanshme dhe kjo nuk është mënyra e duhur për bashkimin e demokratëve.

Më 25 mars, Gjykata e Tiranës pranoi Kuvendin Kombëtar të PD-së të mbajtur më 11 dhjetor, që u thirr nga ish-kryeministri Berisha.

Ky vendim u kundërshtua nga kreu i Grupit Parlamentar, Enkelejd Alibeaj i cili depozitoi ankimimin, që do të shqyrtohet nga gjyqtarja Blerina Muça.

LEXONI GJITHASHTU

• Komisioni i Rithemelimit vijon me zgjedhjet për kryetarët e degëve të PD

• Beteja për PD, Blerina Muça gjyqtarja që do shqyrtojë ankimimin e Alibeajt