Nëna ukrainase i shkruan të dhënat vajzës në shpinë

Një nënë ka shkruar të dhënat kryesore si emri, mbiemri dhe një numër kontakti në shpinën e vajzës së saj 2-vjeçare para se të largohej nga Ukraina.

Sasha Makoviy tha se e bëri këtë në rast se familja ndahej ose vritej gjatë arratisjes nga Kievi.

“Në rast të vdekjes sonë, ajo mund të gjendej dhe do ta dinte se kush është,” shpjegoi Makoviy për BBC.

Familja tani ndodhet në Francë, në një ambient të sigurt. Menjëherë pas stabilizimit atje gruaja postoi foton e kurrizit të vajzës së saj dhe imazhi që prej atij momenti është bërë viral.

“Ishte frika ime më e madhe se Vira humbet ose se ne vdesim dhe ajo nuk e merr vesh kurrë se kush është, apo nga cila familje është,” tha Makoviy.

Pasi ka arritur më në fund sigurinë pas një arratisjeje të gjatë përmes Moldavisë, Rumanisë dhe Belgjikës Makoviy thotë se ajo është “dërrmuar” mendërisht.

LEXONI GJITHASHTU:

• 1,5 miliardë dollarë ndihmë për Ukrainën, njofton Banka Botërore
• Nuk do të ndalim sulmet në Ukrainë, thotë Ministri i Jashtëm rus