36 të infektuar, asnjë viktimë nga COVID-19 në Shqipëri

Nga 877 testime në 24 orë, 36 qytetarë kanë rezultuar të infektuar me COVID-19 në Shqipëri.

Fatmirësisht nuk ka pasur asnjë humbje jete prej virusit, ndërsa 63 qytetarë janë shëruar duke e çuar numrin e të shëruarve që prej fillimit të pandemisë në 270 441.

Aktualisht janë 337 raste aktive. 8 pacientë po marrin mjekim në spital, nga ku një prej tyre është në gjendje më të rënduar.

Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve.

“Çdo qytetar mbi 12 vjeç, mund të vaksinohet në qendrën shëndetësore ose në pikën më të afërt të vaksinimit të përqendruar,” – thuhet në njoftimin e përditshëm nga ministria.

LEXONI GJITHASHTU:

• 17 të infektuar, 1 viktimë nga COVID-19 në Shqipëri