GDP e Ukrainës mund të bjerë deri në 50%, thotë ministri ukrainas

Prodhimi i Përgjithshëm Bruto (GDB) i Ukrainës mund të bjerë në nivelet midis 30 dhe 50% këtë vit, sipas Ministrit ukrainas të Financave, Serhiy Marchenko.

Deklarata e tij, u bë ditën e sotme gjatë një interviste televizive, shkruan agjencia e lajmeve, Reuters.

Ukraina po përballet me mungesë të ushqimeve, për shkak të anijeve luftarake ruse që bllokojnë portet e vendit dhe tregtinë në Detin e Zi.

Sipas autoriteteve ukrainase, Rusia po krijon krizë ushqimore jo vetëm në Ukrainë, por edhe në vende të tjera të botës.

Kjo pasi anijet ruse të cilat qëllojnë anijet tregtare ukrainase po pengojnë Ukrainën të eksportojë misër, grurë dhe vaj vegjetal.

LEXONI GJITHASHTU

• Rusia vijon të furnizojë me gaz Europën përmes Ukrainës
• Ukraina fajëson Rusinë për krizën ushqimore