Ilva Tare me mision të ri, bëhet pjesë e Këshillit të Atlantikut

Gazetarja e njohur Ilva Tare është bërë pjesë e Këshillit të Atlantikut, Qendra për Europën.

Ish-drejtorja e informacionit në Euronews Albania, e cila prej disa muajsh është shpërngulur në Uashington, SHBA, e ndau lajmin përmes një postimi në Twitter.

Tare shprehet se i është bashkuar ekipit në Uashington dhe do të sjellë disa seri për Ballkanin.

“Jam e emocionuar të ndaj disa lajme personale: që nga 1 prilli, jo vetëm që jetoj në anën tjetër të Atlantikut, por kam filluar të punoj me Këshillin e Atlantikut në Uashington DC, ku do të lançoj serinë Balkans Debrief. Jam e nderuar të bashkohem me ekipin e Këshillit të Atlantikut të Europës”, shkruan Tare.

I’m thrilled to share some personal news: As of April 1, not only do I live on the other side of the Atlantic but I have started working with the Atlantic Council in Washington, DC where I will launch the #BalkansDebrief series. I’m honored to join the team at @ACEurope 🇦🇱🇺🇸 https://t.co/DcpqnYGOtB

— Ilva Tare (@IlvaTare) April 15, 2022

Faqja zyrtare për njoftimet e Këshillit të Atlantikut gjithashtu ka shpërndarë lajmin për angazhimin e ri të gazetares Ilva Tare.

“Një emër i njohur në Shqipëri, ajo ka përvojë të madhe në Ballkanin Perëndimor dhe një histori raportimi të paanshëm dhe analiza të besueshme. Tare ka mbuluar politikën, integrimin në BE, të drejtat e njeriut, gjyqësorin dhe përpjekjet kundër korrupsionit. Në intervistat e saj të gjera, Tare ka ngritur zërin për çështjet gjinore dhe të të drejtave të pakicave, efektet e dezinformimit dhe të drejtat e gazetarëve. E promovuar në poste drejtuese në redaksi të ndryshme në karrierën e saj, ajo është një promovuese e mprehtë e gazetarëve të rinj”, thuhet në njoftimin e Këshillit të Atlantikut.

LEXONI GJITHASHTU:

• Ilva Tare nderohet me ‘Çmimin e Karrierës’
• “Faleminderit me zemër”, nis një kapitull i ri në rrugëtimin personal dhe profesional të Ilva Tares