Ukrainasi ‘gjurmon’ ushtarët rusë me anë të kufjeve të tij Apple AirPods

Vitaliy Sementes u largua nga shtëpia e tij në kryeqytetin ukrainas të Kievit, pak pasi trupat ruse nisën sulmet atje.

Para disa ditësh, ai u kthye sërish për ta gjetur apartamentin e tij të bastisur dhe shumë prej sendeve të tij personale të zhdukura.

Por, ai u kujtua për kufjet e tij AirPods të cilat i kishte lënë mbrapa para se të arratisej.

Gjëja e parë që bëri ishte të ndizte modalitetin ‘Find My App’ i cili i lejon përdoruesit të gjurmojnë sendin e tyre të humbur.

Pas kësaj, ai zbuloi se kufjet e tij kishin kaluar kufirin dhe gjendeshin në rajonin rus të Belgorodit.

Ai e postoi menjëherë në Instagram këtë lajm.

 

View this post on Instagram

 

A post shared by Vitaliy Semenets (@vitaliysemenets)

 “Rreth 60% të apartamenteve në kompleksin tonë ishin bastisur dhe unë u kutjova për kufjet e mia dhe desha menjëherë të shihja nëse ishin ende në shtëpi apo jo. U habita kur pashë se ato ishin larguar kaq shpejt nga Ukraina dhe gjendeshin diku në Rusi,” – i tha ai Euronews Next.

Më herët gjatë këtij muaji, Ministria e Mbrojtjes Ukrainase deklaroi se trupat ruse kishin bastisur disa shtëpi ukrainase dhe i kishin shitur sendet e vjedhura në Bjellorusi.

Nderkohë, The Times raportoi se disa pamje nga kamerat e sigurisë CCTV tregonin se disa ushtarë kishin dërguar sende të vjedhura si skuterat elektronike dhe laptopët tek familjarët e tyre në Rusi.

Sements është pronari i një kompanie logjistike në Ukrainë dhe ai tha se kishte lajmëruar autoritetet ukrainase rreth vendodhjes së kufjeve të tij të cilat ishin aktivizuar për herë të fundit më 9 prill.

Të tjera sende të tij me vlerë si një dron, një Nintendo Switch dhe disa palë këpucë ishin marrë gjithashtu.

“Është një ndjesi që nuk e kisha provuar kurrë më parë. Sikur dikush të futet brenda në shpirt,” – tha Sements rreth dyshimeve se ushtarë rusë mund t’i kenë hyrë në shtëpi e ti kenë marrë sendet e tij personale.

LEXONI GJITHASHTU:

• Cilat janë bindjet politike të Elon Musk?
• Kush është Patriarku Kirill, ish-spiuni i KGB dhe njeriu më i afërt i Putin?
• Ku fshihen paratë e oligarkëve rusë?