Ukrainës do t’i duhen dekada për të hyrë në BE, thotë Macron

Ukrainës do t’i duhen dekada për t’u pranuar në Bashkimin Evropian, thotë presidenti i Francës, Emmanuel Macron.

Në një fjalim të mbajtur në Parlamentin Evropian, ai sugjeroi që Ukraina të bëhet pjesë e një “komuniteti paralele evropian’ ndërsa pret vendimin e BE.

Kjo tha Marcron do t’u lejojë vendeve jo anëtare të BE që të bëhen pjesë e arkitekturës së sigurisë në rrugë të tjera, raporton BBC.

Ukraina nisi procesin e aplikimit për të hyrë në BE në shkurt të këtij viti, katër ditë pas pushtimit nga Rusia.

“Ne të gjithë e dimë se procesi për t’u anëtarësuar kërkon disa vite, ndoshta disa dekada”, tha Macron të hënën.

“Kjo është e vërteta ose ne do të duhet të ulim standardet për anëtarësimin”, shtoi presidenti francez.

Macron tha se “komitetit paralele evropian” duhet marrë në konsideratë, në vend të pezullimit të kritereve strikte që Ukraina të bëhet pjesë e BE-së.

Në këtë strukturës sipas tij mund të bëhen pjesë vende që janë gjeografikisht në Evropë dhe që ndajnë të njëjta vlera.

Komenti i tij erdhi pasi Presidentja e KE-së, Ursula von der Layen bëri me dije se opinioni fillestar për aplikimin e Ukrainës do të publikohet në qershor.

LEXONI GJITHASHTU:

• Zelensky aplikon për anëtarësimin e Ukrainës në BE
• Ukraina mund të futet në BE brenda muajsh, thotë Zelenski