Ukraina plotëson pjesën e dytë të pyetësorit për anëtarësimin në BE

Ukraina ka plotësuar pyetësorin e dytë për t’u anëtarësuar në Bashkimin Europian. Lajmin e ka bërë të ditur presidenti Volodimir Zelenski përmes një postimi në rrjetin social Telegram.

Sipas Zelenskit, ky hap është shumë i rëndësishëm për Ukrainën dhe tha se vendi është në pritje të një përgjigjeje pozitive në qershor për anëtarësimin në Bashkimin Europian.

“Sot, ne kemi bërë një hap tjetër, një hap shumë i rëndësishëm dhe jo thjesht formal në rrugën tonë drejt Bashkimit Europian. Ukraina ka dorëzuar pjesën e dytë të përgjigjeve të një pyetësori të posaçëm që do të plotësohet nga secili vend që aspiron të jetë pjesë e Bashkimit Europian. Zakonisht duhen muaj. Por ne bëmë gjithçka brenda disa javësh”, ka shkruar Zelenski në Telegram.

Ditën e djeshme, presidenti francez Emanueal Makron tha se Ukrainës do t’i duhen dekada për t’u pranuar në Bashkimin Eropian.

Në një fjalim të mbajtur në Parlamentin Europian, ai sugjeroi që Ukraina të bëhet pjesë e një “komuniteti paralele evropian’ ndërsa pret vendimin e BE.

LEXONI GJITHASHTU

• Ukrainës do t’i duhen dekada për të hyrë në BE, thotë Macron
• Ukraina dorëzon përgjigjet e pyetësorit për anëtarësimin në Bashkimin Europian