Mungesa e vajit të lulediellit, Kristuli: Mund të kemi kombinime vajore në treg

Përfaqësuesi i Unionit Tregtar Agro-Ushqimor Theodor Kristuli thotë se në treg mund të ketë mungesë të vajit të lulediellit për shkak të bllokimit në Ukrainë dhe Rusi, dy vende që kanë 80% të prodhimit botëror.

Në emisionin “Mirëmëngjes” në “Euronews Albania”, Kristuli u shpreh se një ndër zgjidhjet që mund të gjejë tregu është kombinimi vajor.

“Për vajin mendoj se do jetë situatë e vështirë. Mund të jetë kombinimi që të shikohet alternative për lloje të tjera vajrash. Vaji i lulediellit, 70% të prodhimit botëror e prodhon Ukraina, 10% e prodhon Rusia, pra 80%. Në detin Ozov shkarkohet 80% e prodhimit botëror të vajit të lulediellit dhe kjo sot ështëe  bllokuar. Nuk ka mbjellje të re. Sa të bëhet ristrukturimi global do njëfarë kohe që të shikohet shpërndarja. Do ketë vështirësi”, tha ai.

Sipas tij, kombinimet e vajrave të cilat janë brenda normave janë totalisht të ligjshme. Por, nëse do ketë abuzime, organet shtetërore duhet të reagojnë, shtoi Krisutli.

LEXONI GJITHASHTU

• Mungesa e vajit të lulediellit, RMV vendos të hapë eksportet me Shqipërinë
• Unioni Tregtar Agro-Ushqimor kundër bordit për fiksimin e çmimeve