Rusia ndalon 963 amerikanë të hyjnë në vend

Shteti Rus ka ndaluar 963 amerikanë që të hyjnë në vend. Në personat e ndaluar përfshihen Presidenti Joe Biden, Sekretari i Shtetit Antony Blinken dhe shefi i CIA-s, William Burns, raporton Sky News.

Ndikimi është kryesisht simbolik, por ndalimet janë gjithashtu një shenjë tjetër e përkeqësimit të marrëdhënieve të Rusisë me SHBA-në që nga pushtimi i Ukrainës.

Reagimi i shtetit Rus vjen pasi Presidenti Biden nënshkroi legjislacionin për të mbështetur Ukrainën me 40 miliardë dollarë të tjera ndihmë nga SHBA.

Legjislacioni, i cili u miratua nga Kongresi me mbështetje dypartiake, thellon angazhimin e SHBA ndaj Ukrainës në një kohë pasigurie për të ardhmen e luftës.

LEXONI GJITHASHTU:

• SHBA dhe Koreja e Jugut dakord për masa frenuese ndaj Koresë së Veriut