Mbi 14 mijë demokratë kanë votuar deri në orën 11:00

Kryetarja e Komisionit të Organizimit dhe Kontrollit të Operacioneve Elektorale, Albana Vokshi ka dalë në një deklaratë për mediat, lidhur me procesin zgjedhor për kreun e Partisë Demokratike.

Nga selia blu, Vokshi deklaroi se 14,012 demokratë kanë votuar deri në orën 11:00, teksa shtoi se procesi ka nisur dhe po vijon normalisht.

Ajo u shpreh se lista e cila po përdoret për identifikimin e votuesve është ajo e vitit 2019, si e vetmja listë e plotë e gjetur deri më tani dhe e pranuar si fiktive.

Vokshi pranoi se ka probleme me listat e anëtarësisë, duke shtuar se kjo do të jetë një nga detyrat e para me të cilat do të merret partia pas procesit zgjedhor.

Numri i votuesve deri në orën 11:00 sipas qarqeve

Shkodër 1,287

Lezhë 830

Kukës 1,081

Dibër 650

Durrës 1,005

Tiranë 3,694

Elbasan 1,190

Berat 460

Korçë 1,200

Fier 1,520

Vlorë 570

Në garë për kreun e Partisë Demokratike, është ish-kryeministri Sali Berisha dhe ish-drejtuesi i PD-në Kukës, Ibsen Elezi.

LEXONI GJITHASHTU

• Berisha voton në selinë e PD, sulmon procesin për presidentin: Antikushtetues
• Elezi: Do ta njoh rezultatin e zgjedhjeve, por nuk do të toleroj shkeljet