Alarme të rreme për bomba në Bosnje Hercegovinë

Më shumë se 500 alarme të tillë që vunë në shënjestër gjithashtu qindra shkolla në Bosnje e Hercegovinë, duke i detyruar ato të mbyllen përkohësisht.

Gjithashtu, gjykatat në Sarajevë dhe një spital publik boshnjak u evakuuan të enjten për shkak të alarmeve të rreme për bomba.

Qindra pacientë dhe anëtarë të stafit mjekësor u evakuuan pasi spitali universitar në qytetin verior të Banja Lukës mori një e-mail që paralajmëronte se ishte vendosur një bombë, tha drejtori i spitalit Vlado Djajic.

Mesazhi kërcënonte se do të “hidhte në erë jobesimtarët” dhe në të shkruhej “Allahu është i madh”.

Pas kontrollit të ambienteve, policia konfirmoi se alarm ishte i rremë.

Ishin edhe Komisioni Kombëtar Zgjedhor dhe disa gjykata në Sarajevë ishin midis institucioneve publike të shënjestruara.

Gjatë bisedimeve të fundit me liderët e Bosnjës, Sekretari i Përgjithshëm i NATO-s, Jens Stoltenberg theksoi nevojën për të rritur bashkëpunimin e sigurisë kibernetike me kombin ballkanas.

Edhe Serbia ka marrë gjithashtu alarme të rreme për bomba gjatë javëve të fundit, të cilat kanë ndërprerë funksionimin e shkollave.

LEXONI GJITHASHTU:

• Ndikimi rus në Bosnje, sekretarja e Jashtme britanike viziton Sarajevën