Mbledhja e Kryesisë së PS, Balla: Nesër ‘çojmë’ në Kuvend presidentin e ri

Kryesia e Partisë Socialiste do të mblidhet sot në orën 17:00 për të diskutuar për kandidaturat për kreun e shtetit.

Kreu i grupit parlamentar socialist, Taulant Balla në një deklaratë për mediat tha se emri i presidentit të ri do të dalë nga mbledhja e kryesisë së PS, duke qenë se sipas tij nuk propozoi asnjë kandidaturë, duke refuzuar të bëhet pjesë e procesit.

“Tani raundin e katër e kemi ne të drejtën dhe dua t’u garantoj dhe kam bindjen e plotë që nesër në orën 18:00, në seancën e nesërme do të zgjidhet presidenti i ri i republikës, i cili e merr detyrën më 24 korrik. Emrat e përmendur janë emra shumë të vlerësuar dhe ne nuk kemi dashur të bëjmë debat publik për emrat. Hedhja me pa të drejtë e shumë emrave nuk i bën mirë kredibilitetit të procesit. Ne do të shkojmë nesër me një emër. Nesër maksimumi brenda orës 12:00 emri do të jetë i depozituar bashkë me firmat përkatëse”, tha Balla.

Tre raundet e para për zgjedhjen e kreut të shtetit dështuan, pasi mazhoranca dhe opozita nuk dorëzuan asnjë kandidat. Në raundin që do të mbahet nesër zgjedhja e kreut të shtetit bëhet me 71 vota.

LEXONI GJITHASHTU:

• Presidenti i ri zgjidhet të shtunën
• Presidenti Meta reagon pas deklaratës së Dendias për çështjen e detit