Nis punimet Ballkani i Hapur, katër marrëveshjet që pritet të firmosen

Ka nisur punimet nisma rajonale Ballkani i Hapur në Ohër të Maqedonisë së Veriut.

Sot pritet të firmosen katër marrëveshje, për luftën kundër evazionit fiskal, njohjen e diplomave të arsimit të lartë, bashkëpunim kulturor dhe bashkëpunim në fushën e turizmit.

Në këtë nismë, marrin pjesë Shqipëria, Serbia dhe Maqedonia e Veriut, përfaqësuar nga kryeministri Edi Rama, presidenti Aeksandër Vuçiç dhe kryeministri Dimitar Kovaçevski.

Në Ohër, marrin pjesë gjithashtu Mali i Zi dhe Bosnjë e Hercegovina, por në rolin e vëzhguesit. Një ditë më parë, liderët e këtyre vendevezhvilluan një darkë pune joformale.

Kosova është i vetmi vend që ka refuzuar të bëhet pjesë e kësaj nisme rajonale. Disa ditë më parë, Kurti ka refuzuar ftesën e homologut maqedonas Dimitar Kovaçevski për të marrë pjesë në Ballkanin e Hapur.

Nisma “Ballkani i Hapur” është vazhdimësi e “mini-Shengenit” ballkanik, prezantuar në Novi Sad të Serbisë më 10 tetor të vitit 2019, nga liderët e Shqipërisë, Maqedonisë së Veriut dhe Serbisë.

LEXONI GJITHASHTU

• Vuçiç: Ballkani i Hapur nuk zëvendëson BE-në, por sjell përfitime
• Kusari-Lila: Deklarata e Lavrov tregoi se Ballkani i Hapur u ideua në Serbi
• Kurti refuzon ftesën e kryeministrit të RMV-së për Ballkanin e Hapur