Dështojnë negociatat për datën e zgjedhjeve në Maqedoninë e Veriut

Në Maqedoninë e Veriut akoma nuk ka marrëveshje për datën e zgjedhjeve të parakohshme parlamentare. Në takimin që përfundoi para rreth orës 21:00 mes presidentit Stevo Pendarovski dhe liderëve të LSDM-së dhe VMRO-DPMNE-së, Zoran Zaev e Hristijan Mickoski, nuk është arritur kompromisi.

Pavarësisht thirrjeve te presidentit të vendit para takimit për arritjen e marrëveshjes ditën e sotme. Ndërkohë vazhdon përkeqësimi i krizës së shkaktuar nga COVID-19.

Ndërkohë, në 24 orët e fundit vendi ka shënuar 164 të infektuar të rinj me COVID-19. Identifikimi i tyre është bërë nga kryerja e 1 045 teste, ku shumica janë në Shkup (85 raste), Kumanovë (24) dhe Tetovë (18). 

Gjithashtu në 24 orët e fundit në RMV janë shënuar dhe dy viktima. Në Spitalin “8 Shtatori” ka ndërruar jetë pacientja nga Shkupi (53 vjeçare) , e shtruar si i e dyshuar ndaj Covid-19 më 2 qershor dhe është konfirmuar pozitiv pas pranimit të saj.

Ndërsa në Spitalin e Tetovës ka ndërruar jetë një paciente (60 vjeçare), e cila ka qenë e shtruar si e dyshuar ndaj Covid-19 më 9 qershor. Sot, Instituti i Shëndetit Publik regjistron 12 pacientë të rikuperuar. Deri më tani, janë kryer gjithsej 41.049 testime të Covid-19 në vend.