Forcat ruse marrin kontrollin e dy qyteteve në Ukrainën Lindore

24 Qershor 2022 | 08:13

Forcat ruse kanë marrë kontrollin e qyteteve Loskutivka dhe Rai-Oleksandrivka në Ukrainën Lindore dhe vazhdojnë të bëjnë përparime të ngadalta, por të qëndrueshme.

Ndërsa luftimet intensifikohen, guvernatori rajonal i rajonit lindor të Donetskut thotë se asnjë qytet nuk është i sigurt për banorët.

Për disa fshatra, linjat e furnizimit mund të ndërpriten në çdo moment dhe vullnetarët po punojnë për të evakuuar ata banorë që  ende nuk kanë ikur.

Por disa refuzojnë të largohen, duke thënë se më mirë do të  ishte të “ribashkoheshin” me rusët.

Në të njëjtën kohë, Ukraina thotë se po regjistron cdo ditë  nga 2 deri në 300 krime lufte të kryera nga forcat ruse në territorin e saj.

“Hetuesit e policisë kombëtare kanë nisur gjithsej 19,111 procedime penale që nga fillimi i agresionit ushtarak për faktet e krimeve të kryera në territorin e Ukrainës nga ushtarakët e forcave të armatosura të Federatës Ruse dhe bashkëpunëtorët e tyre”, shprehet Oleksi Serhieiev, Shef i Reagimit Operacional të Policisë Kombëtare të Ukrainës.

Dokumentet e klasifikuara të inteligjencës amerikane thonë se marinës ruse i është dhënë urdhër të vendosë mina në portet e Odesës dhe Ochakiv dhe tashmë ka minuar lumin Dnieper, si pjesë e një bllokadë të vazhdueshme të eksporteve të grurit ukrainas.

LEXONI GJITHASHTU

Home Kryefaqja
Shiko në: YouTube
Lajme të Sugjeruara

Studimi: Emigracioni ka nxitur ndjeshëm rritjen ekonomike në vendet e pasura

Kombet e pasura me shkallën më të lartë të emigracionit gjatë 35 viteve të fundit përfituan një përfitim të madh ekonomik dhe shumë prej tyre...
13:52 | 25/06/2026

Shkon në 5 numri i viktimave nga vala e të nxehtit në Itali, temperaturat priten të kalojnë 40 gradë

Të paktën pesë persona kanë vdekur ditët e fundit për shkak të valës së të nxehtit që ka goditur Italinë. Viktimat punonin në sektorin bujqësor dhe në...
13:51 | 25/06/2026

Danimarka miraton vendosjen e misionit në Ngushticën e Hormuzit

Parlamenti danez miratoi të enjten vendosjen e kontributeve në një mision shumëkombësh në Ngushticën e Hormuzit, sipas mediave vendase. Ligjvënësit vendosën që Danimarka do të...
13:36 | 25/06/2026