Arrestohet një nga autorët e dyshuar për vrasjen e Hekuran Billës, operacioni i policisë në Tiranë, Lezhë dhe Dukagjin

Policia ka vënë në pranga shtetasin Sebastian Mali, 22 vjeç, bashkepunëtor në ekzekutimin e 40-vjeçarit Hekuran Billa, disa ditë më parë në Tiranë. 

Operacioni i Policisë është shtrirë në Tiranë, Lezhë dhe Dukagjin.

Autori i dyshuar është identifikuar nga kamerat e sigurisë, ndërkohë punohet për identifikimin e personave të tjerë që kanë marrë pjesë në ekzekutimin e 40-vjeçarit.

Hekuran Billa u ekzekutua në mënyrë mafioze mbrëmjen e 11 qershorit brenda automjetit të tij në zonën e Komunës së Parisit në kryeqytet.

Nga breshëritë e plumbave Hekuran Billa mori plagë në kokë dhe në trup duke ndërruar jetë menjëherë.

Hakmarrja mbetet pista kryesore ku po hetohet për shkak të së kaluarës së viktimës, i cili ishte dënuar në Angli me burgim të përjetshëm për vrasjen e një 22-vjeçari shqiptar, ndërsa në Shqipëri ishte favorizuar nga gjykatat duke u liruar.

Lexoni gjithashtu:

Ekzekutimi i Hekuran Billës, nga dënimi për vrasje në Angli, tek favorizimi në gjykatat shqiptare

Gjyqtarja që nxori nga burgu Indrit Doklen liroi edhe Hekuran Billën, prokuroria ishte dakord

VIDEO| Skema e atentatit, ndjekja dhe precizioni i qitësit pasagjer në mjetin e autorëve

Ekzekutimi i Hekuran Billës dyshohet për hakmarrje, shpallet në kërkim vëllai i Prelë Markut, i vrarë në Angli