Çmimi i naftës në Shqipëri nuk është më i larti në Europë, thotë Ahmetaj

Zëvendës kryeministri Arben Ahmetaj u shpreh se opozita ka mashtruar qytetarët, duke thënë se çmimi i naftës në Shqipëri është më i larti në Europë.

Gjatë fjalës së tij në Kuvend këtë të enjte, Ahmetaj theksoi se Shqipëria ka çmimin e lartë, por janë disa shtete të Europës ku nafta blihet më shtrenjtë.

“Ju thoni që çmimi i naftës në Shqipëri është më i larti. Sigurisht që është i lartë, por nuk është më i larti. Ja ku e keni. Ka shumë shtete të Europës, që e kanë më të lartë, prandaj mos i gënjeni qytetarët. Ju e keni humbur dhe këtë shtresë që mendoni që përfaqësonit, oligarkët”, tha ai.

Ndërsa, Ministrja e Financave dhe Ekonomisë, Delina Ibrahimaj deklaroi se ngritja e Bordit të Transparencës ka bërë të mundur uljen e çmimit të karburantit.

Sipas saj, marzhi i fitimit bruto është ulur dhe nëse nuk do të ishte ngritur bordi, çmimi i karburantit do të ishte më i lartë.

LEXONI GJITHASHTU

• Ibrahimaj: Pa Bordin e Transparencës, do e paguanim naftën më shtrenjtë
• Ulet çmimi i naftës, 249 lekë për litër
• Çdo muaj në Shqipëri hyjnë rreth 10 mijë litra më pak naftë