Alibeaj-Berishës: Edhe Nanon e shpalle armik, por bëre marrëveshje me të

Deputeti demokrat, Enkelejd Alibeaj ka reaguar në lidhje me deklaratën e bërë këtë të premte nga kryetari i PD-së Sali Berisha, i cili tha se ai sillej si një përfaqësues i mazhorancës.

Përmes një reagimi në rrjetet sociale, Alibeaj i kujtoi Berishës se edhe ish-kryeministrin Fatos Nano e kishte shpallur armik, por me të bëri marrëveshje.

Sipas Alibeajt, me Berishën në krye, Partia Demokratike vijon të mbetet e përçarë, teksa shtoi se rruga për largimin e kryeministrit Edi Rama kalon nga bashkimi i opozitës.

Ai theksoi se Berisha po shpërdoron besimin e demokratëve për interesin e tij personal.

1/1. Revanshi dhe gjuha e helmët e Sali Berishës ndaj atyre që mendojnë ndryshe nga ai, nuk e bën atë të ndryshëm nga Sali Berisha që bënte paqe dhe marrëveshje https://t.co/B5mN3D6Hcv. me Fatos Nanon dikur. Në tjetër i shpallur “armik” i madh, me të cilin u puth pa të keq më pas

— Enkelejd Alibeaj (@enkelejdalibeaj) July 8, 2022

Më 7 korrik, Partia Demokratike organizoi një protestë në Bulevardin “Dëshmorët e Kombit”, përpara godinës së Kryeministrisë.

Gjatë fjalës së tij, Berisha deklaroi se ai dhe kryeministri Edi Rama janë armiq me njëri-tjetrin, pasi ndryshe nga Rama, ai ka ideal lirinë për t’i kthyer dinjitietin qytetarëve.

LEXONI GJITHASHTU

• Berisha- deputetëve: Kush vë PD-në të parën, di të marrë vendimet e duhura
• Berisha: Protesta më madhështore në 30 vjet, në shesh ishte opozita bio
• ‘Jemi armiq’, Berisha i drejtohet Ramës nga protesta para Kryeministrisë