EULEX i dhuron 12 automjete policisë së Ukrainës

Një flotë e përbërë nga 12 automjete i Misionit të Bashkimit Evropian për Sundimin e Ligjit në Kosovë, (EULEX) është nisur këtë të martë për në Ukrainë.

Ky donacion është blerë nga stafi ndërkombëtar dhe ai lokal i EULEX-i, teksa këto automjete do t’i dhurohen Policisë Shtetërore kufitare të Ukrainës.

Ministrja e Jashtme dhe e Diasporës, Donika Gërvalla tha se Kosova e di çfarë po kalon Ukraina dhe se qëndrojnë fuqishëm në anën e saj.

“Ne në Kosovë e kuptojmë saktë nëpër çka po kaloni, sepse lufta në Kosovë nuk ka shumë kohë që ka ndodhur dhe qytetarët tanë e mbajnë mend fare mirë”, u shpreh ajo.

Gërvalla përmendi edhe programin e strehimit të gazetarëve ukrainas në Kosovë, si dhe sanksionet e ndërmarra.

LEXONI GJITHASHTU

• Putin nënshkruan dekretin që u mundëson ukrainasve marrjen e nënshtetësisë ruse
• Ukraina përgatitet për kundërsulm në Kherson, thirrje civilëve për evakuim