Trafikimi i qenieve njerëzore, raporti i DASH: Shqipëria nuk plotëson standardin minimal

Shqipëria nuk plotëson as standarde minimale në eliminimin e trafikimit të qenieve njerëzore. Këtë thotë raporti i Departamentit të Shtetit Amerikan për monitorimin e luftës së trafikimit të qenieve njerëzore.

Në raportin vjetor të DASH thuhet se, qeveria shqiptarë pavarësisht kësaj po bën përpjekje domethënëse në këtë fushë.

Një nga këto përpjekje është forcimi i ndëshkimeve për trafikantët e dënuar si dhe identifikimi i më shumë viktimave.

Gjithashtu thuhet se, qeveria në bashkëpunim me shoqërinë civile ka ngritur Bordin e Këshillit të Viktimave të  trafikimit.

Por, pavarësisht kësaj qeveria nuk ka plotësuar standardin minimal në disa fusha kyçe. Gjatë viteve 2018-2019 janë dënuar vetëm 5 trafikantë, numri më i ulët që prej vitit 2014.

Qeveria ende nuk ka bërë skanimin e popullsisë vulnerabël, emigrantëve, azilkërkuesve etj. Qeveria vazhdon të shtyjë financimin e vendstrehimeve, shërbimit social dhe nuk ka burime afatgjata për kujdesin dhe integrimin e viktimave, veçanërisht fëmijëve dhe viktimave me fëmijë.