Berisha: Të festosh me Ramën, si të shkosh në Shtëpinë e Bardhë me Tahirin

Sali Berisha tha se 100-vjetorin e marrëdhënieve diplomatike mes Shqipërisë dhe SHBA do ta festonte me popullin e vërtetë në Mirditë.

Në një deklaratë për mediat jashtë Kuvendit, i pyetur nëse do të ishte në shesh për të festuar, Berisha tha do ta festonte me shqiptarë të vërtetë dhe jo me pjesëtarë të administratës që janë thirrur me urdhër aty.

I pyetur nga gazetari i Euronews Albania Ardit Hoxha se si ndihej që nuk ishte pjesë e festimeve zyrtare të ambasadës amerikane për 100-vjetorin e vendosjes së marrëdhënieve diplomatike mes Shqipërinë dhe SHBA Berisha u përgjigj me një batutë.

“Në fakt të festosh marrëdhëniet me SHBA me Ramën dhe Ballën është njëlloj si të shkosh me Tahirin në Shtëpinë e Bardhë”, tha Berisha.

LEXONI GJITHASHTU:

• “E keqja shfaqet para nesh”, Rama shënjestron Metën dhe Berishën
• ‘I tmerruar nga opozita’, Berisha: Rama urdhëroi manipulimin e dosjes për Metën