Turqia shton eksportet në Rusi, kryesisht frutat dhe arrat 

Eksportet e mallrave turke në Rusi në qershor u rritën me 46 për qind krahasuar me të njëjtin muaj të vitit 2021 dhe 52 për qind në krahasim me majin, njoftoi sot Instituti i Statistikave të Turqisë.

Sipas të dhënave të publikuara, kompanitë turke fituan rreth 791,4 milionë dollarë në qershor, ndërsa në maj kjo shumë ishte 518,8 milionë dollarë, transmeton RIA Novosti.

Ndër produktet më të njohura të eksportit janë frutat dhe arrat, me vlerë 168 milionë dollarë.

U rritën ndjeshëm edhe shitjet e makinave, pajisjeve dhe pjesëve të këmbimit.

Sipas ekspertëve, nëse vendet evropiane vazhdojnë të reduktojnë dërgesat për shkak të sanksioneve, Turqia mund të zërë vendin e katërt ose të pestë në listën e vendeve më të mëdha eksportuese në Rusi, pas Kinës, Bjellorusisë, Gjermanisë dhe Kazakistanit.

Përveç kësaj, midis janarit dhe qershorit, Rusia ishte lider në dërgesat në Turqi – ato arritën në 27.7 miliardë dollarë, që është pothuajse 16 për qind e totalit të importeve ruse.

LEXONI GJITHASHTU:

• 6 vendet europiane që Rusia u ka ndaluar furnizimin me gaz