Meta akuza Beogradit: Edhe me Shqipërinë zbaton marrëveshjet që i leverdis

Kryetari i Partisë së Lirisë Ilir Meta në një deklaratë për mediat i kërkoi Serbisë të heqë dorë nga nxitja e grupeve kriminale në Veri të Kosovës.

Meta akuzoi Beogradin zyrtrar se sa herë gjendet në pozita jo të favorshme dhe i duhet të pranojë marrëveshjet që vetë ka firmosur në Bruksel, përdor grupe kriminale në Veri për të destabilizuar Kosovën dhe rajonin.

Sipas ish-presidentit, Serbia edhe me Shqipërinë çon përpara vetëm marrëveshje që janë në interes të saj.

“Kjo është një sjelle destruktive, destabilizuese e papërsëritur. Kjo sjellje nuk mund të ketë avokat asgjëkund, e jo të ketë avokat në mes të Tiranës. Çdo marrëdhënie partneriteti është e pranueshme por jo vasaliteti. Serbia edhe me Shqipërinë çon përpara vetëm marrëveshje që janë në interes të saj”, tha ai”, tha Meta.

Meta u shpreh se është koha të arrihet marrëveshje përfundimtare mes Kosovës dhe Serbisë, që do të zgjidhë njëherë e përgjithmonë problemet mes të dy vendeve.

“Çdo zgjidhje e pjesshme dhe jo tërësore do të jetë një shteg i hapur për tensione të vazhdueshme dhe me kosto të lartë për paqen, sigurinë dhe stabilitetin në rajonin tonë. Procesi i Berlinit dhe integrimet euro-atlantike janë e vetmja rrugë e drejtë dhe e sigurt për të gjithë rajonin”, tha Meta.

LEXONI GJITHASHTU:

• Kremlini i del në krah Serbisë pas tensioneve në Veri
• Borrell fton Kurtin dhe Vuçiçin në Bruksel për vazhdimin e dialogut