Ekstradimet me SHBA-në, qeveria shqiptare arrin parimisht marrëveshjen për ndryshimin në ligj

Qeveria e Shqipërisë ka miratuar në parim një traktat ekstradimi me Shtetet e Bashkuara të Amerikës.

Më parë Shqipëria dhe Shtete e Bashkuara të Amerikës nuk kanë pasur një marrëveshje sa i përket ekstradimit të personave të dënuar në këto dy vende. Pas miratimit të këtij vendimi, hapet rruga për të ndërmjetësuar me palën Amerikën për të arritur një marrëveshje finale për ekstradimin e personave që kërkohen nga drejtësia shqiptare, por që ndodhen në territorin amerikan.

Dorëzimi i një personi nën hetim, të pandehur apo të dënuar, në drejtim të një shteti të huaj kryhet sipas këtij ligji, rregullave të legjislacionit shqiptar dhe të marrëveshjeve ndërkombëtare, në të cilat Republika e Shqipërisë është palë.

Britania e Madhe, Italia, Kosova, Gjermania janë disa nga shtetet me të cilët Shqipëria kryen shkëmbim të të dënuarve.