I refuzohet kërkesa për azil turkut të dyshuar si ‘gylenist’

Autoritet shqiptare kanë refuzuar kërkesën për azil politik për turkun Selami Simsek i dyshuar se është pjesë e lëvizjes “Gylen”, e shpallur organizatë terroriste nga Ankaraja zyrtare.

Dyzetvjeçari u arrestua në aeroportin e Rinasit një vit më parë me dokumente false, ndërsa destinacioni përfundimtar i tij ishte Kanadaja.

Sipas vendimit të drejtorisë së azilit marrë në datën 9 mars të këtij viti,Simsek nuk plotëson kriteret ligjore për të përfituar azil. Ai u arrestua në korrik 2019 së bashku me mikun e tij, Harun Çelik, të cilit gjithashtu iu mohua azili.

Çeliku u dëbua për në Turqi më 1 janar të këtij viti menjëherë pasi kreu dënimin prej 6 muajsh burg për falsifikim dokumentesh në vendin tonë.

Ky veprim hapi debate të forta pasi sipas avokatëve dhe organizatave të ndryshme ndërkombëtare, mësuesit turk iu mohua e drejta për azil politik dhe u dëbua në shkelje procedurash.

Lexoni gjithashtu:

U kap me vizë të falsifikuar në Rinas, shtetasi turk dënohet me 1 vit burg

Simsek kërkon azil në Shqipëri: Në Turqi do më keqtrajtojnë7