Rreth 45 emigrantë të zhdukur në brigjet greke 

Autoritetet greke janë ende në kërkim të dhjetëra emigrantëve të zhdukur pasi një varkë u mbyt në një ishull juglindor.

Nga 25 deri në 45 persona mbeten të pagjetur pas incidentit të së mërkurës pranë Karpathos.

Një anije e marinës greke dhe tre anije tregtare aty pranë u përfshinë në ditën e dytë të operacionit të kërkim-shpëtimit.

Roja bregdetare tha të mërkurën se 29 persona, të gjithë burra nga Afganistani, Iraku dhe Irani, ishin shpëtuar.

Varka i transportonte ata nga bregu turk i Antalias në Itali. Kushtet e motit në zonë ishin të trazuara, me erëra të forta dhe det të trazuar, thanë autoritetet.

Të mbijetuarit thonë se kishte rreth 60 deri në 80 persona në bordin e anijes kur ajo u përmbys në detin Egje .

Dy nga të shpëtuarit u nxorrën nga deti me një helikopter të forcave ajrore dhe u dërguan në Karpathos, ndërsa 27 të tjerët u morën nga një anije tregtare dhe u transportuan në ishullin Kos.

LEXONI GJITHASHTU:

• Mbyten 50 emigrantë në Greqi, ishin nisur me varkë nga Turqia