100 euro/3 ditë, përfaqësuesi i Sunny Hill tregon detaje nga koncerti në Tiranë

Biletat për festivalin e Sunny Hill që do të mbahet në Tiranë me 26, 27 dhe 28 gusht kanë dalë në shitje.

Për pjesëmarrësit që do të ndjekin ngjarjen për tri ditë, çmimi i biletës do të jete 100 euro.

Detajet u zbuluan nga përfaqësuesi i Sunny Hill, Alban Kastrati, i cili në një intervistë për Euronews Albania tha se Sunny Hill në Tiranë, edhe pse nuk ishte planifikuar të mbahej që këtë vit, pritet të jetë po aq i suksesshëm sa ai i mbajtur në Prishtinë.

“Çmimi i biletës, të cilat kanë nisur të blihen on line, për tri ditë do të jetë 100 euro. Ky është një çmim i volitshëm për artistët e mëdhenj që do ngjiten në skenë”, tha Kastrati

Ai nuk e konfirmoi nëse Dua Lipa do të performonte në Tiranë, por tha se artistë të mëdhenj ndërkombëtarë dhe lokalë  pritet të jenë pjesë e koncertit.

LEXONI GJITHASHTU:

• ‘Misioni i Lipës, të mbushë thasët me lekë’, këngëtari i njohur kritika ‘Sunny Hill’
• Dua Lipa elektrizon Prishtinën, “Sunny Hill” thirrje për liberalizimin e vizave