‘U garantova mbështetje’, Peleshi viziton dy ushtarakët në spital

Ministri i Mbrojtjes, Niko Peleshi ka shprehur mirënjohje ndaj dy ushtarakëve që u sulmuan nga rusët në Uzinën e Gramshit.

Peleshi teksa ka postuar foto të ushtarakëve u uron atyre shërim të shpejtë.

“Mirënjohje dy ushtarakëve tanë që sakrifikuan për të ruajtur një objekt strategjik siç është uzina e Gramshit. Bisedova me ta dhe u garantova mbështetjen e pakursyer timen dhe të Ministrisë së Mbrojtjes. Pranë dy ushtarakëve shkoi edhe Shefi i Shtabit të Përgjithshëm të FA, gjeneral brigade Arben Kingji. Shërim të shpejtë dy efektivëve tanë!”, shprehet Peleshi në një postim në rrjetet sociale.

Incidenti në Uzinën e Gramshit, ka ndodhur rreth orës 17:40 pasi roja ka vënë re lëvizje të dyshimta rreth objektit, pasi një nga shtetasit rusë ka hyrë brenda territorit dhe ka tentuar të bëjë fotografi.

Të dy efektivët kanë zbatuar rregullat ushtarake me qëllim ndalimin e personit, duke i bërë fillimisht thirrje të ndalojë, por ai është kundërpërgjigjur duke përdoruar spray neoparalizues.

Menjëherë pas njoftimit policia ka bërë shoqërimin e shtetasit rus, M. Z., 24 vjeç.  Shërbimet e Policisë  bënë të mundur që në afërsi të kësaj zone të konstatojnë dhe të bllokojnë automjetin tip “Chevrolet”, me të cilin udhëtonin shtetasja ruse S.T. 33 vjeçe dhe shtetasi ukrainas F. A., 25  vjec.

LEXONI GJITHASHTU

• ‘Rusëve u është sekuestruar dron’, gazetari: Kishin informacione për uzinën
• Si u sulmuan ushtarët në Uzinën e Gramshit, dinamika e ngjarjes
• Kush janë dy ushtarët që u sulmuan nga rusët në Gramsh