Unaza e Tiranës| Punohet në lotin e Kamzës, shpronësohen 133 familje

Tirana dhe Kamza do të lidhen përmes Unazës së Madhe, në rrugën ku është hapur kantieri prej disa muajsh. Në këtë pjesë rruge, janë 133 familje që do të shpronësohen për banesat që preken nga projekti.

Në Unazën e Tiranës po punohet për lotin 2 të rrugës. Kantieri është hapur para disa muajve, ndërsa ritmi është ngadalësuar për shkak të ndërtimeve të shumta në zonë, që po shpronësohen.  

Në hartën ku kalon rruga janë 133 familje me banesa të legalizuara ose jo, të cilat do të përfitojnë kompensim dhe qira.

Rruga që kalon në territorin e Kamzës është në fazat e para të saj, por ndërtimi i këtij boshti,  pritet t’i japë zgjidhje edhe trafikut të makinave, të cilat në orare piku kanë qëndruar përreth 2 orë në nyjet aktuale.

LEXONI GJITHASHTU:

• Unaza e madhe në Tiranë pritet të përfundojë brenda dy vitesh