19 vite në presidencë, Flamur Noka denoncon largimin nga puna të Edvin Shvarc

Edvin Shvarc i ka shërbyer 5 presidentëve në 19 vjet. Por me ardhjen e Bajram Begajt në krye të shtetit ai është larguar nga puna.

Shvarc, i kontaktuar nga Euronews Albania ka konfirmuar se më 23 gusht i është komunikuar largimi.

Ky veprim i Presidentit Begaj është kundërshtuar gjerësisht në rrjete sociale nga gazetaë dhe njerëz publikë, të cilët kamë shfaqur respekt ndaj Edvin Shvarc.

Flamur Noka ka denoncuar këtë largim, duke theksuar se motivacioni i përdorur është qeshkarak. Deputeti u kontaktua nga Euronews Albania por nuk pranoi të prononcohet.

“Mungesë e madhe respekti nga Presidenti i Republikës ndaj një nëpunësi civil, i cili jeton me të ardhurat e kësaj pune në një apartament modest bashkë me zonjën dhe nënën e tij.

Edvin Shvarc është shtetas shqiptar me prejardhje hebreje, zyrtar serioz dhe profesionist i rrallë.

Ky akt i shëmtuar njollos institucionin më të lartë të shtetit. Presidenti Begaj nxitoi të shfaqte veten pa mbushur muajin në detyrë,” – shkroi Noka në faqen e tij zyrtare në Facebook me letrën e largimit bashkangjitur.

Shvarc ka shërbyer në Presidencë si drejtor i komunikimit dhe këshilltar.

LEXONI GJITHASHTU:

• LDK refuzoi takimin, Begaj: Nuk arrita t’i bashkoja partitë në një tavolinë