Vuçiç: Marrëveshja për dokumentet nuk nënkupton njohjen e Kosovës

Presidenti i Serbsë, Aleksandar Vuçiç e cilësoi pozitive marrëveshjen e arritur për dokumentet mes Beogradit dhe Prishtinës.

Megjithatë, Vuçiç theksoi se marrëveshja është verbale dhe se nuk do të thotë është njohur Kosova si shtet i pavarur, shkruan Euronews Serbia.

“Arritja e marrëveshjes për dokumentet është një gjë e mirë për ne, është një marrëveshje verbale, mendoj se kemi arritur të korrigjojmë diçka, kemi luftuar për shtetësinë serbe në Kosovë. Dokumentet e Serbisë janë të vlefshme për Kosovën, kemi gjetur interpretimin më të mirë, që është se serbët në Kosovë kanë të drejtën e dokumenteve nga Serbia”, u shpreh presidenti serb.

Kryeministri i Kosovës, Albin Kurti ka deklaruar se vendi është i interesuar që të arrihet marrëveshje me Serbinë, e cila do të kishte në qendër njohjen reciproke.

Sipas tij, në mungesë të një marrëveshjeje, Kosova do të vendosë reciprocitet të plotë.

Të shtunën, Kosova dhe Serbia janë pajtuar që të heqin dorë nga lëshimi i dokumentit për hyrje-dalje për shtetasit e të dy vendeve.

Lajmi është dhënë nga shefi i diplomacisë së Bashkimit Evropian, Josep Borrell në një postim në Twitter. Tashmë qytetarët e dy vendeve mund të udhëtojnë lirshëm duke përdorur dokumentet e tyre.

LEXONI GJITHASHTU

• Reciprocitet i plotë deri në arritjen e marrëveshjes me Serbinë, thotë Albin Kurti
• Varhelyi përshëndet marrëveshjen Kosovë-Serbi
• Borrell: Kosova dhe Serbia arrijnë marrëveshje për dokumentet