Abuzimi me tenderët, lirohet kryekomisari në Shkodër

Gjykata e Apelit në Shkodër ka rrëzuar vendimin e Gjykatës së shkallës së parë për punonjësit e policisë të cilët u lanë me masën e sigurisë “arrest shtëpie” pasi dyshohen për shpërdorim detyre për disa tendera të vegjël.

Gjykata e Shkodrës ka dhënë masën e sigurisë “Arrest shtëpie” për 13 efektivët e Malësisë së Madhe të arrestuar nën akuzën e shpërdorimit të detyrës. Gjykata e Apelit vendosi të lirojë shtatë shtetasit.

Kështu kryekomisari Saimir Rustemi është lënë me masën e sigurisë “detyrim paraqitje” bashkë me gjashtë punonjës të tjerë të policisë si dhe shtetasin Paulin Prendi.

Gjatë masës së sigurisë në gjykatën e shkalles së parë një grup qytetarësh shkodranë protestuan kundër arrestit të kryekomisar Saimir Rustemi i cili fillimisht u la me masën “arrest shtëpie” nga shkalla e parë dhe ditën e sotme apeli e rrëzoi këtë vendim.

LEXONI GJITHASHTU:

• Abuzime me tenderat, ‘arrest shtëpie’ për 12 efektivët e Malësisë së Madhe