Hoxha: Gledis Nano nuk u bë ‘ushtari’ i Edi Ramës

Për gazetarin Poli Hioxha, ish-Drejtori i Përgjithshëm i Policisë, Gledis Nano nuk iu bind kryeministrit Edi Rama, ashtu sikurse ky i fundit është mësuar me vartësit e tij.

Në një intervistë për “Euronews Albania”, Hoxha u shpreh se Gledis Nanos iu ngushtua rrethi profesionalisht dhe shtoi se priste dorëheqje nga ana e tij.

“Ajo që vlonte prej kohësh, ishte që Gledis Nano nuk po shfaqte shenjat e ushtarit, siç është mësuar me çdo vartës Edi Rama. Duke filluar që nga ministrat edhe deri te i fundit. Në këtë kuptim, mua mu duk sikur shkuan gjatë. Gledis Nanos i ishte ngushtuar rrethi edhe profesionalisht, edhe si integritet. Unë në fakt prisja një dorëheqje nga ai vetë, jo se do ia kërkonte Rama”, theksoi ai.

Gledis Nano u shkarkua këtë të mërkurë nga posti i Drejtorit të Përgjithshëm të Policisë.

Lajmi u bë i ditur nga ministri i Brendshëm Bledi Çuçi pas mbledhjes së qeverisë.

Për momentin detyrat e Drejtorit të Përgjithshëm të Policisë, do i ushtrojë nën-Drejtori i Përgjithshëm, Tonin Vocaj.

LEXONI GJITHASHTU

• Ervis Martinaj ka të infiltruar brenda RENEA-s, thotë gazetari Poli Hoxha
• Gazetari: Çështja e Ervis Martinajt, kulmi i përplasjeve mes Gledis Nanos dhe Ramës
• Ngjarjet që rrëzuan Gledis Nanon, 10 muajt në krye të Policisë së Shtetit