Spartak Ngjela: Berisha nuk vjen në pushtet me votë, kërkon krizë politike

Avokati Spartak Ngjela thotë se kryedemokrati Sali Berisha e di fare mirë se me votë nuk vjen dot në pushtet, për shkak edhe të shpalljes “non grata” nga SHBA-të.

Në një intervistë për “Euronews Albania”, Ngjela u shpreh se qëllimi i Berishës është të shkaktojë krizë politike.

Sipas tij, qeveria mund të rrëzohet me protesta, nëse Partia Demokratike ka një masë kompakte në disa qytete në vend.

“Saliu këtu do ta destabilizojë dot shoqërinë? Nuk kërkon ai të vijë në pushtet, do destabilizim, as mos e diskutoni këtë. Kërkon lëvizje shoqërore që t’i japë mundësi të krijohet një krizë politike në Shqipëri. Në pushtet vjen me vota, e di ai që nuk vjen dot në pushtet. Nëse PD-ja ka një masë kompakte, qeveria rrëzohet me protesta, kryeministri është i detyruar të japë dorëheqjen. Masë kompakte do të thotë, njerëz shumë, minimumi në 7 qytete të Shqipërisë”, theksoi avokati.

LEXONI GJITHASHTU

• Avokati Ngjela: SPAK ka ndikim nga Uashingtoni, jo nga politika shqiptare
• Shkarkimi i Nanos, Ngjela: Rama drejt absolutizmit, mund të dalë edhe kundër SHBA
• Shkarkimi i Gledis Nanos, Ngjela: Defekt i Ramës, duhet të tregonte shkakun