Nis shkolla në Kosovë, klasat e para me abetare të përbashkët

Nga 1 shtatori nxënësit shqiptarë kudo ndodhen do mësojnë me një abetare të përbashkët

Prezantimi i librit u bë ditën e parë të shkollës në Kosovë.

“Vetëm bashkë, krah për krahë me njëri-tjetrin mund t’i shtyjmë përpara interesat tona për zhvillim dhe përparim në çdo fushë. U qoftë e mbarë rruga e diturisë, të gjithë juve vajza e djem, që do mësoni nga ky libër”, tha gjatë fjalës së tij, kryeministri i Kosovës, Albin Kurti.

“Ky është libri që do na bashkojë më shumë, sepse jemi një komb dhe kemi një gjuhë”, theksoi ministrja e Arsimit, Evis Kushi.

Kjo është abetarja e dytë që prezantohet si e përbashkët mes dy vendeve, e para ishte ajo e vitit 2012, që ndryshe nga sa ndodhi në Kosovë, në Shqipëri nuk u përdor në të gjitha shkollat.

LEXONI GJITHASHTU

• Nisin trajnimet e para të mësuesve për abetaren e përbashkët Shqipëri-Kosovë
• Rama: Do flasim me autoritetet në Serbi për të dërguar abetaren e unifikuar
• Abetarja e përbashkët Shqipëri-Kosovë, një hap para në 10 vite pas