Qymyr për Serbinë dhe RMV, Balluku: Përfitojmë një pjesë nga energjia e prodhuar

Shqipëria do t’i japë qymyr Maqedonisë së Veriut dhe Serbisë. Me këtë lëndë djegëse, dy shtetet do të prodhojnë më shumë energji, dhe një pjesë do t’i kthehet mbrapsht vendin tonë.

“Serbia dhe RMV e blejnë këtë nga vendet e tjera de na kanë shtruar kërkesën për bashkëpunim, pra duke marrë qymyrin tonë ne mund të përfitojmë një pjesë nga energjia e prodhuar prej tyre”, tha ministrja Belinda Balluku nga Beogradi.

Kjo është alternativa që qeveritë e Ballkanit të Hapur kanë zgjedhur në krizën që po kalon sistemi energjetik, pasi nëntoka shqiptare fsheh depozita të mëdha qymyri.

“Në vendin tonë kemi depozita që arrijnë në 700 mln tonë, do ishte e udhës që të përdorej nga fqinjët tanë”, tha ministrja.

Ndryshe nga Shqipëria, e cila prodhon energji elektrike përmes ujit, nga hidrocentralet, në Maqedoninë e Veriut dhe Serbi, rryma prodhohet nga djegia e lëndëve fosile, formë kjo e cila rrit emetimet e gazit në atmosferë.

LEXONI GJITHASHTU:

• Abazoviç: Do kemi një përfaqësues në grupin për krizën energjetike
• “Na pret dimër i vështirë”, Rama: Europa plan për ndërprerje të energjisë