Kurti: Bërnabiç do të hyjë në Kosovë me letërnjoftim serb 

Kryeministri i Kosovës Albin Kurti deklaroi se kryeministrja serbe Ana Bërnabiç do të hyjë në Kosovë me letërnjoftim serb, sipas marrëveshjes së fundit të arritur mes Beogradit dhe Prishtinës për dokumentet.

“Bërnabiç le të hyjë në Kosovë me letërnjoftim të lëshuar nga autoritetet e Beogradit dhe le ta shohë se gjithçka funksionon si shtet demokratik”, tha Kurti, duke shtuar se “Kosova është shtet më demokratik dhe më i pavarur se Serbia”.

Kurti tha gjithashtu se dy ministrat Besnik Bislimi dhe ministri i Arsimit, Arbër Nagavçi, të hënën do të vizitojnë komunën e Preshevës, Medvegjës dhe Bujanocit, duke shtuar se edhe ai planifikon të shkojë një ditë.

Kurti pohon se vizita e tyre në ato komuna nuk është reagim ndaj ardhjes së Bërnabiçit.

Në konferencën për shtyp ai paralajmëroi edhe një paketë ndihme për qytetarët që “të përballen më lehtë me inflacionin”, sipas së cilës nga shtatori zyrtarët publikë do të marrin nga 50 euro për muajt e mbetur të këtij viti dhe punonjësit në ndërmarrjet publike 100 euro.

LEXONI GJITHASHTU:

• E imagjinon Albin Kurtin në tryezën e Open Balkan? Rama i përgjigjet Euronews Serbia