Alibeaj: Nesër kërkesë në ‘Kushtetuese’ për të shfuqizuar bordin e karburanteve

Enkelejd Alibeaj ka mbledhur sot grupin Parlamentar të Partisë Demokratike, ku ka prezantuar prioritetet për sesionin e ri parlamentar.

Gjatë fjalës së tij Alibeaj nënvizoi se nesër grupi i PD-së do të dorëzojë në Gjykatën Kushtetuese një kërkesë për të shfuqizuar Bordin e Naftes. Këtë bord ai e quajti antikushtetues.

“Shqipëria mbetet në krye të listës së vendeve me ëmimin më të lartë të hidrokarbureve. Kjo jo vetëm për shkak të nivelit të lartë të taksave, mungesës së reagimit nga qeveria, por edhe për faktin se Shqipëria është nga të vetmet vende ku çmimi i naftës, benzinës apo gazit, paracaktohet nga Klubi i Oligarkëve, që qeveria e ka emërtuar si Bordin e kontrollit të cmimeve. Gjatë gjithë këtyre muajve, Klubi i Oligarkëve jo vetëm nuk ka mbajtur nën kontroll cmimet e naftës, benzinës apo gazit, por ka shërbyer si një mekanizëm korruptiv për të deformuar tregun në dëm të interesit të qytetarëve. Për këtë arsye, dua të informoj opinionin publik se Grupi Parlamentar i Partisë Demokratike, ka përgatitur dhe ditën e nesërme do të depozitojë në Gjykatën Kushtetuese, kërkesën për shfuqizimin si antikushtetues të dy ligjeve mbi bazën e të cilave funksionon Bordi i paracaktimit të cmimit të naftës, benzinës dhe gazit”, u shpreh Alibeaj.

LEXONI GJITHASHTU:

• Alibeaj mbledh grupin e PD-së, rendit prioritetet gjatë këtij sesioni parlamentar