Lajçak, më 9 shtator në Kosovë dhe Serbi, konfirmon BE për Euronews Albania

Përfaqësuesi Special i BE-së Miroslav Lajçak do të jetë prezent në një vizitë të përbashkët në Kosovë dhe Serbi më 9 shtator.

Lajmi u konfirmua nga zëdhënësi i BE-së, Peter Stano për Euronews Albania, i cili sqaroi se qëllimi i vizitës është shqyrtimi i opsioneve për përparim në dialog.

Lajçak do të shoqërohet nga këshilltarët për politikë të jashtme të presidentit francez dhe kancelarit gjerman, tha Stano.

Ndërkohë zyrtari i lartë përshëndeti dhe mbështetjen franko-gjermane për dialogun mes Prishtinës dhe Beogradit që u shfaq dhe në letrën e përbashkët të presidentit Macron dhe kancelarit Scholz drejtuar kryeministrit Kurti dhe presidentit Vuçiç.

Ai përgëzoi gjithashtu Lajçak dhe Borrell për përpjekjet e tyre në normalizimin e marrëdhënieve mes dy shteteve.

Kryeministrja e Serbisë, Ana Bërnabiç ka kushtëzuar marrëveshjen Kosovë–Serbi me themelimin e Asociacionit të komunave serbe.

Teksa po qëndron në veri të Kosovës, Bërnabiç është shprehur se nuk ka biseda për marrëveshje të dytë për normalizim, nëse nuk formohet Asosacioni.

Bërnabiç deklaroi se Kosova duhet të angazhohet më shumë në dialog, pasi sipas saj, Serbia mbetet e përkushtuar për një gjë të tillë.

LEXONI GJITHASHTU:

• Macron dhe Scholz caktojnë këshilltarë për të ndihmuar Lajçak, kërkesat për Vuçiç