Ndryshimet në polici, Noka: Veliu u riemërua për të ndërhyrë në zgjedhjet e radhës

Sekretari i Përgjithshëm i PD-së Flamur Noka, deklaroi sot se rikthimi i Ardi Veliut në strukturën e Policisë së Shtetit ka qëllim prekjen e zgjedhjeve të ardhshme nga mazhoranca.

Në një konferencë për mediat, Noka tha se Veliu do të përdorë policinë njëlloj si në zgjedhjet e kaluara.

“Partia demokratike paralajmëron se Ardi Veliu është rikthyer, jo për ta mbikëqyrur Policinë e Shtetit, por për t’u siguruar se në zgjedhjet e ardhshme ai do të jetë dora e zgjatur dhe e pandëshkuar e rilindjes në proces të tillë si dhe për të ruajtur lidhjet e vjetra të shtetit të Edi Ramës me krimin dhe bandat. Ardi Veliu e ka mbi vete damkën e rëndë të Elbasanit në zgjedhjet e shkuara. Jo vetëm peshën e vrasjes por edhe peshën e prishjes së provave në vendin e ngjarjes. Riqarkullimi i Veliut nuk është thjesht për kuadro të ndershëm në polici, por kjo është filozofia e kryeministrit e ministrit dhe e kësaj qeverie, sipas të cilëve monitorimi i policisë i lihet në dorë krimit të organizuar.”- tha Flamur Noka.

LEXONI GJITHASHTU:

• Dëshmia e agjentit para Gledis Nanos për Ervis Martinajn | 5 zhvillime