Ish-ministri serb: Deri më 31 dhjetor të formohet Asosacioni në Kosovë

Ish-ministri i Jashtëm serb, i cili drejton Partinë Popullore në Serbi, Vuk Jeremiç deklaroi se pa formimin e Asosacionit, nuk do të ketë marrëveshje me Kosovën.

Ai theksoi se duhet të caktohet një afat, 31 dhjetori i këtij viti dhe se nëse nuk krijohet Asosacioni, Serbia duhet ta shpallë procesin e Brukselit të pasuksesshëm dhe se për të ka përfunduar.

“Është pjesë e Rezolutës për Kosovën dhe Metohinë që Partia Popullore do t’ia propozojë Kuvendit të Serbisë”, tha Jeremiç.

Ai ka theksuar se Rezoluta angazhon Qeverinë që të mos ndërmarrë asnjë hap për të mundësuar anëtarësimin e Kosovës në organizatat ndërkombëtare, në radhë të parë në OKB, shkruan Euronews Serbia.

Sipas Jeremiç, nëse nuk formohet Asosacioni, Lista Serbe duhet të largohet përfundimisht nga Qeveria e Kosovës.

Të njëjtën deklaratë, ka bërë edhe kryeministrja serbe, Ana Bërnabiç duke kushtëzuar marrëveshjen Kosovë–Serbi me themelimin e Asociacionit të komunave serbe.

Teksa ditën e djeshme qëndroi në veri të Kosovës, Bërnabiç është shprehur se nuk ka biseda për marrëveshje të dytë për normalizim, nëse nuk formohet Asosacioni.

LEXONI GJITHASHTU

• Bërnabiç: S’ka marrëveshje të dytë për normalizim pa krijimin e Asosacionit

• Arifi: Vetëvendosje po përçan Luginën e Preshevës, s’bëhem skllav politik i tyre