Manjani: Nëse Basha do i kishte futur 500 mijë dollarë në zgjedhje, do kishte fituar

Ish-ministri i drejtësisë Ylli Manjani, tha se Lulzim Basha do i kishte fituar nëse 500 mijë eurot e marra nga Rusia, do i kishte futur në zgjedhje.

“Lulzim Basha me 500 mijë dollarë dhe sikur të ja kishte dhënë Rusia do të kishte fituar zgjedhjet e jo të bënte përralla me amerikanët. Ky është budalla, nuk e di se çfarë thotë.

Kryetarë partish, ministra e kryeministra që harxhojnë paratë e shqiptarëve për të blerë propagandë dhe lobingje personale, përfshirë dhe shtetin e Amerikës janë maskarenj, dhe nuk e meritojnë të jenë në krye të shtetit.”- shprehet Manjani në një intervistë për Euronews Albania.

Manjani, i ka cilësuar maskarenj politikanët shqiptarë që harxhojnë para për të blerë lobingje personale në Amerikë.  Më tej shtoi se paratë e harxhuar nga politikanët për të blerë deklarata e takime nuk i shërbejnë popullit shqiptarë.

“Ata kryetarë partish politike, politikanë shqiptarë që harxhojnë para, pavarësisht se ku i gjejnë për të blerë lobingje personale, në Amerikë janë maskarenj, të ndyrë të poshtër dhe nuk përfaqësojnë popullin shqiptar. Pse duhen harxhuar para për të blerë deklarata, takime, video me politikanë amerikanë. Pse duhet bërë kjo gjë? Sa i shërbejnë këto pisllëqe popullit shqiptar. “- tha ai.

LEXONI GJITHASHTU: 

• Rusia financoi PD, Manjani: Paratë s’kanë hyrë në Shqipëri. Çfarë duhet të provohet
• Reagon Lulzim Basha për financimin rus në PD në 2017
• Rusia financoi Partinë Demokratike me 500 mijë dollarë në 2017