Brnabiç: Me rëndësi reagimet në kohë të OKB-së për ngjarjet në Kosovë dhe Metohi

Kryeministrja Ana Brnabiç ka biseduar sot me përfaqësuesen speciale të Sekretarit të Përgjithshëm të OKB-së dhe shefin e UNMIK-ut, Karolin Zijade për situatën politike në Kosovë dhe Metohi dhe ka theksuar se reagimet në kohë të OKB-së janë shumë të rëndësishme.

Brnabiç tha se OKB-ja është organizata më e rëndësishme ndërkombëtare në kontekstin e ruajtjes së integritetit territorial dhe sovranitetit dhe se shqyrtimi i rregullt i situatës në Kosovë dhe Metohi në Këshillin e Sigurimit konfirmon se situata në terren është e paqëndrueshme.

“Serbia mbron respektimin e parimeve të së drejtës ndërkombëtare dhe zbatimin e Rezolutës 1244 të Këshillit të Sigurimit dhe do të vazhdojë të bëjë përpjekje për të ruajtur paqen dhe stabilitetin,” tha Brnabiç, duke shtuar se Beogradi është plotësisht i përkushtuar ndaj dialogut dhe në të njëjtën kohë pret që Prishtina të përmbushë detyrimet e saj sipas Marrëveshjes së Brukselit.

LEXONI GJITHASHTU:

• Brnabiç të hënën në Kosovë, Kurti: Të mos japë deklarata që sjellin destabilizim