Rama mbajti peng Bashën me dosjen për financimet ruse, thotë Berisha

Kryetari i Partisë Demokratike, Sali Berisha akuzoi kryeministrin Edi Rama, se mbajti peng ish-kryedemokratin, Lulzim Basha duke i mbyllur dosjen për financimet ruse.

Gjatë fjalës së tij gjatë bashkëbisedimit virtual me shqiptarë në Romë, Berisha u shpreh se kjo tanimë është e faktuar.

“E faktuar është se ai, Lulzim Bashës pasi i kishte hapur dosjet, për financime që siç ka thënë vetë në mars të vitit 2018, financime ruse. Pasi ishte zotuar para shqiptarëve se do t’i shkonte deri në fund hetimit, përdori hetimin për të marrë peng kren e opozitës. Kjo është e vërteta.

Disa ditë më parë, Berisha theksoi se 500 mijë dollarët ruse që mediat amerikane thonë se Partia Demokratike i ka marrë në vitin 2017 për të bërë lobim në SHBA, janë provë e deklaratave të tij se Basha ka qenë peng.

Sipas tij, tani është koha që Basha duhet të dalë dhe të japë shpjegime shteruese për këtë çështje.

Berisha njoftoi ngritjen e një grup hetimor brenda në parti për ta zbardhur këtë çështje, por tregoi edhe problemet që e pengojnë hetimin.

LEXONI GJITHASHTU

• Berisha: Pa antimafian italiane, Saimir Tahiri do ishte më shumë se zv.kryeministër
• Financimet ruse për PD, Berisha njofton ngritjen e auditit për hetimin e Bashës
• Financimet ruse, Berisha: Basha më tha se ishin fonde nga diaspora, e besova