Aleksandër Çipa: Mbi 20 media kanë kryer hulumtime për daljen e të dhënave

Për shkak të monitorimit ditor që i bën medias në Shqipëri, analisti Aleksandër Çipa thotë se është në gjendje të thotë se janë mbi 20 media që janë marrë me daljen e të dhënave.

“Vetëm për këtë çështje janë më shumë se 20 media online që kanë shkruar në mënyrë intensive dhe kanë raportuar në mënyrë hulumtuese dhe investiguese,’ – u shpreh Çipa.

Deklarata e tij erdhi si përgjigje ndaj avokatit Arbër Hoxha i cili pyeti se sa media janë interesuar se ku shkojnë fondet publike që shteti shqiptar i paguan kompanive private për të ruajtur këto të dhëna, që në dijeninë e tij bëhet fjalë për 12 milionë eurio.

“Si ka mundësi që një grup hakeruesish me dy-tre vetë dhe me dy-tre mijë dollarë kompjuterë mund të  hakerojnë të dhënat më sensitive në Republikën e Shqipërisë. Kjo duhet të na bëjë përshtypje dhe për këtë duhet ngritur këmbana më e madhe e alarmit,” – u shpreh Hoxha.

LEXONI GJITHASHTU:

• ‘Pse s’veproi shteti për organizatorët?’, Zeka për publikimin e të dhënave