Përfundon raundi i parë për marrëveshjen e sigurimeve shoqërore me Kroacinë

Kryeministri Edi Rama ka njoftuar se Shqipëria dhe Kroacia kanë përfunduar raundin e parë të negociatave për marrëveshjen e sigurimeve shoqërore.

Rama njofton se rreth 3 mijë shqiptarë që punojnë në Kroaci do të përfitojnë nga njohja e viteve të punës.

“Lajm i mire, Shqipëria dhe Kroacia përfunduan raundin e parë të negociatave për marrëveshjen e sigurimeve shoqërore. Pas përfundimit të procesit teknik do të ndiqen të gjitha procedurat për ratifikimin e kësaj marrëveshjen. Rreth 3 mijë shqiptarë që punojnë në këtë vend do të përfitojnë nga njohja e viteve të punës”, shprehet Rama në një postim në rrjetet sociale.

Së fundmi Shqipëria ka nisur negociatat me Greqinë për njohjen e pensioneve.

Pak ditë më parë Ministrja për Punët e Jashtme dhe Evropën, Olta Xhaçka njoftoi se mbledhja e parë e komisionit të ekspertëve Shqipëri-Greqi për njohjen e sigurimeve shoqërore u zhvillua me sukses.

LEXONI GJITHASHTU:

• Shqipëria nis negociatat me Greqinë për njohjen e pensioneve
• 10 vjet pritje për pensionet, fitojnë shqiptarët në Itali, Greqia s’jep sinjale
• Njihen pensionet me Italinë, përfitimet nga viti 2023